Persónuvernd

Þegar þú skráir þig á póstlista Banakringlu gefur þú upp netfangið þitt. Hér kemur fram hvað verður um það, á mannamáli.

Hver ber ábyrgð

Ábyrgðaraðili er rekstraraðili Banakringlu. Spurningar og beiðnir um persónuupplýsingar sendast á banakringla@banakringla.is.

Hvaða upplýsingum er safnað

• Netfanginu þínu, sem þú slærð inn.
• Tímasetningu skráningar, sem verður til sjálfkrafa.

Engu öðru er safnað. Vefurinn notar hvorki vefgreiningu, auglýsingarakningu né samfélagsmiðlahnappa.

Til hvers

Netfangið er eingöngu notað til að senda þér póst um Banakringlu: tilkynningu þegar vefurinn opnar og reglulegan póst með fréttum, æfingaspurningum og hvatningu fyrir inntökuprófið. Það er aldrei selt né látið öðrum í té til markaðssetningar.

Lagagrundvöllur

Vinnslan byggir á samþykki þínu (a-lið 1. mgr. 6. gr. almennu persónuverndarreglugerðarinnar, sbr. lög nr. 90/2018). Þú getur dregið samþykkið til baka hvenær sem er með hlekknum neðst í hverjum pósti eða með því að senda okkur línu. Það hefur ekki áhrif á lögmæti vinnslu fram að því.

Hverjir vinna gögnin fyrir okkur

• Netlify, Inc. (Bandaríkjunum) hýsir vefinn og tekur við skráningum á póstlistann.
• Google (Google Workspace) hýsir tölvupóstinn ef þú skrifar okkur.

Þessir aðilar vinna gögnin aðeins samkvæmt fyrirmælum okkar. Þegar gögn fara út fyrir Evrópska efnahagssvæðið byggir það á viðeigandi verndarráðstöfunum samkvæmt reglugerðinni, svo sem stöðluðum samningsákvæðum. Ef við tökum upp sérstaka póstlistaþjónustu verður hún talin upp hér.

Hversu lengi

Netfangið er geymt þar til þú afskráir þig. Þá er því eytt af póstlistanum.

Réttindi þín

Þú átt rétt á að fá að vita hvaða upplýsingar við höfum um þig, fá þær leiðréttar eða þeim eytt, og að draga samþykki þitt til baka. Sendu beiðni á banakringla@banakringla.is og við svörum innan mánaðar.

Ef þú telur að ekki sé rétt farið með upplýsingarnar getur þú kvartað til Persónuverndar.

Vefkökur

Vefurinn notar engar vefkökur. Vafrinn þinn geymir aðeins eitt atriði á tækinu þínu: hvort þú hafir séð upphafssýninguna áður, svo hún spilist hraðar næst. Það fer aldrei frá tækinu.

Letur og forritasöfn eru hýst á vefnum sjálfum, svo engar upplýsingar fara til þriðja aðila þegar síðan opnast.

Breytingar

Ef þessi yfirlýsing breytist verður nýja útgáfan birt hér með nýrri dagsetningu efst.